LAOAG CITY – Inbutaktak ti controversial police colonel a ni Jovie Espenido iti Quad Committee a gapu iti quota ken reward system ket inabuso dagiti pulis ti bilegda a nagtungpal iti panaglabsing iti karbengan ti tao dagiti rinibo a biktima.
Daytoy ti nagbalin a sungbat ni Espenido iti panagsaludsud ni Ako Bicol Rep. Raul Angelo “Jil” Bongalon.
Inrakurak ni Espenido a nakaladladingit gapu ta ado nga inosente a sibilyan ti natay gapu iti panangabuso dagiti pulis iti otoridad da.
Inpetteng ni Espenido a dagiti tattao a nakapalawlaw ken ni dati a Presidente Rodrigo Duterte ket gamrud iti kwarta ken iti posisyon.
Innayon ni Espinido a nakakaasi dagiti nagbalin a biktima tapno laeng makaawat ti gunguna dagiti pulis.
Mamati ni Espenido nga adda ti panaglabsing iti karbengan ti tao iti drug campaign ti Duterte administration.
