LAOAG CITY – Inpasigurado ni P/Lt.Col. Ryan Retotar, Hepe ti Laoag City Police Station nga ad-adda a mapaigetan ti police ken law enforcers visibility kadagiti pagadalan ditoy siudad ti Laoag.
Segun kenkuana, daytoy ket tapno masigurado ti seguridad dagiti estudiante, mangisursuro ken dadduma pay kadagiti amin a pagadalan ditoy siudad ti Laoag.
Inbatadna nga addan ti panagbisita ken pannakisarsaritada kadagiti pannakabagi kadagiti pagadalan ditoy siudad tapno maammoan dagiti security measures-da.
Kunana a paigetanda pay ti panagpatrolya no sadinno adda dagiti kameng ti Philippine National Police a naka-deploy kadagiti ruar kadagiti pagadalan a mangmandar ti trapiko kangrunaanna ti panangbayabay kadagiti estudiante iti panagawid dagitoy.
Inlawlawagna nga adda ti pammilinna kadagiti barangay officials a tumulong iti panagpatrolya tapno adda ti katulungan dagitoy pakairamanan ti pannakikammayetda iti City Disaster Risk Reduction and Management Office no adda dagiti emerhensia.
Innayonna a babaen kadagitoy nga addang ket maiyadayo dagiti estudiante ti aniaman nga insidente.
Kabayatanna, daytoy nga addang ket tapno maliklikan ti kapada nga insidente iti napasamak a pammaltog iti maysa a pagadalan idiay Tacloban City.
