LAOAG CITY – Mangnamnama ni Police Lt. Col. Joseph Baltazar, ti Officer-In Charge iti Philippine National Police ditoy ciudad ti Laoag a maawat na ti kumpirmasyon na para iti posisyon na iti kabiitan a panawen.
Daytoy ti inbatad ni Baltazar kalpasan ti panagatendar na iti regular session iti konseho idi martes, Pebrero 14 ita a tawen.
Kuna na a naawat nan ti request ni Mayor Michael Marcos-Keon ngem iyur-uray a laeng ti kumpirmasyon ti konseho tapno pormalen a naan-anay nga agtakem kas chief of police ditoy ciudad ti Laoag.
Maipalagip a nadutukan ni Baltazar kas Officer-In Charge iti Philippine National Police ditoy ciudad ti Laoag idi enero ita a tawen kasukat ni Police Lt. Col. Joemar Labiano.