LAOAG CITY – Inlawlawag ni Police Lt.Col.Ryan Retotar ti pammabasol kenkuana ni Atty. Jayson Perrera no sadinno nga ibilang ti abogado a biktima daytoy ti injustice.
Daytoy ket gapu ta saan a nakastrek ti abogado iti Investigation Section ti Philippine National Police (PNP) Laoag tapno kuyugen ti kliyentena ken iti maipagarup a panangtutok ti Hepe ti paltog iti nasao a kliyente.
Inadmitirna nga adda ti imbilinna a pawilan ti nasao nga abogado a sumrek iti Investigation Section ti Philippine National Police (PNP) Laoag gapu ta manarimaan ti pannakaiyuswat ti booking procedure iti naarestar a kliyentena.
Kuna ti Hepe a kanayon nga aramiden ni Atty. Perrera ti panagserrek ti Investigation Section no sadinno a madistorbar dagiti Pulis nga agisagana kadagiti dokumento gapu ta marikna dagiti Personnel ti intimidation ken dakkel a boses ti abogado.
Segun ken ni Retotar, nga ammona nga iti babaen ti Custodial Investigation kt karebbengan ti abogado a bayabayen iti kliyente wenno naarestar nga indibidual.
Innayonna pay ti kaso ti kliyente ti abogado ken saan a Subject ti Custodial nudiket iti babaen ti booking procedure.
Kabayatanna, naglikudan ti Hepe ti maipagarup a panangtutokna ti paltog iti kliyene ni Atty. Perrera.
Maipalagip nga immunan a nangipaay ti priviledge speech ni Sannguniang Panlungsod Jayson Perrera bayat ti regular session ti Sangguniang Panlungsod ditoy siudad ti Laoag no sadinno nga inbatadna a biktima daytoy ti injustice gapu iti maipagarup a pannakaipawil dagiti PNP a sumrek iti Investigation Section ti PNP Laoag.
