LAOAG CITY – Narelibuanen ni Police Major Eddie Suyat kas chief of Police iti ili ti Vintar gapu ta agretiron intono Hunyo ita a tawen.
Daytoy ti inbatad ni Polic Lt. Col. Lauro Milan, ti mangidadaulo iti Provincial Administrative Resource and Management Unit iti Ilocos Norte Police Provincial Office (INPPO).
Segun ken ni Milan, mangrugi intono Marso ket Non Duty Status wenu (NDS) ni Suyat no sadinno ket agtalinaed paylaeng iti INPPO agpatingga intono Hunyo ita a tawen nga isunto metten ti panagretiro na.
Inpakaammo ni Milan a ti baro nga hepe iti PNP-Vintar ket ni Pol Major Reginaldo Dalipias.
Maipalagip a ni Police Major Suyat ket immunan a nagserbi kas hepe iti ili PNP-Paoay iti uneg ti dua a tawen ken walo a bulan no sadinno a nasuroken a 25 a tawen na iti serbisyo.
Kabayatanna, adda metten ti baro a mangidaulo iti Internal Affairs Service (IAS), daytoy ket ni Police Lt. Col. Dexter Barian idinto a ti sinukatan na a ni Police Major Roy Villanueva ket naikabil iti Internal Affairs Service idiay Pangasinan.
