LAOAG CITY – Nareliboan ni Police Major Ryan Retotar, ti acting chief ti investigation and Detective Management Unit iti Ilocos Norte Police Provincial Office (INPPO).
Daytoy ti kinumpirmaran ni Police Lt. Col. Randy Baoit, deputy provincial director for operation ken pannakangiwat ti INPPO.
Segun kenni Baoit, ti nasao nga addang ket pammilin ni Provincial Director Col. Christopher Abrahano para iti maiyuswat nga imbestigasyon iti kaso nga inpila ni PSSG. Junel Mangapit, kameng ti PNP Laoag kontra kenni Retotar.
Karaman kadagiti inpila ni Mangapit a reklamo kontra kenni Retotar ket ti attempted robbery extortion ken grave misconduct.
Kunana a ti simmukat kenkuana ket ni Police Lt. Jenny Lingan.
Mainaig iti daytoy, ti kaso kontra kenni Retotar ket addan iti Ombudsman.
Kabayatanna, kuna ni Baoit nga itultuloy da ti naun-uneg nga imbestigasyon mainaig iti daytoy.
