LAOAG CITY – Inpasingked ni Police Major Joseph Tayaban, hepe ti PNP Badoc ken command officer iti border control, nga adda ti sursuruten da a best pratices no sadino a maisina dagiti agpositibo iti antigen test.
Daytoy ket kalpasan a naipadanun iti Bombo Radyo ti report a maipagarup nga agtitipon dagiti positibo iti antigen test ken negatibo iti nasao a lugar.
Kuna na nga adda ti pakaikabilan a tent dagiti agpositibo iti tesing idinto dagiti locally stranded individuals ket maipan da iti cubicle bayat a maiyur-uray dagiti mangsukon kadakuada.
Inlawlawag ni Tayaban nga adda ti 11 a cubicle iti border control no sadino ti maysa kadagitoy ket usaren dagiti health workers, dagiti dua a cubicle ket para kadagiti agpositibo idinto ti walo a cubicle ket para kadagiti negatibo wenno LSIs.
Inbatad na a kaaduan kadagiti agpositibo ket dagiti APOR nangruna dagiti naggapu iti sabali a probinsya wenno region no sadinno a naiget a sursuruten da ti best practices babaen iti panang-escort da kadagiti maseknan ken iti pannakikoordinar da iti regional ken dagiti probinsya agingga a maisubli da iti naggapuan da a lugar.
