LAOAG CITY – Kumanunong ni Prof. Nestor Siazon, maysa a Political Analyst ti Northwestern University iti panagpili ni Presidente Rodrigo Duterte ken ni Diosdado Peralta kas baro a Chief Justice ti Korte Suprema.
Segun kenkuana, makita ti naidumduma a laing ni Peralta uray idi Associate Justice pay laeng daytoy.
Inbatad ni Siazon a ti nagbalin a desision ti presidente ket saan amin ket kumanunong nangruna ket asideg ni Peralta iti pamilya Marcos rason a saan a maliklikan dagiti dadduma a nagalas a komento.
Nupay kasta, kunana nga agtalek latta kuman dagiti Pilipino iti desision ti presidente kas Sole Prerogative kalpasan ti Judicial ken Bar Council.
Inpalgak ni Siazon a saan a mabalin nga ibaga a bias ti panagpili ni Presidente Duterte ken ni Peralta gapu ta favorable ti desisyon na.
Inlawlawag na anga uray saan a Topnotcher ket saan a daytoy ti pangibasaran da ken ni Peralta.
Mangnamnama ni Siazon a gapu ta ni Peralta ti baro a Chief Justice ket dakkel ti posibilidad na a mangabak ti Electoral Protest ni dati a Senador BongBong Marcos ngem nasken nga adda ti legal basis na tapno maideklara ken mapaneknekan ti pudno a nangabak iti Vice-presidential candidate.
Kabayatanna, mamati ti Political Analyst nga al-aliston ti proseso dagiti kaso a nabayagen a naitantan tapno dagus a magun-od ti hustisya.
