LAOAG CITY – Kinumpirmaran ni Vice Mayor Atty.Vicentito Lazo ditoy ciudad ti Laoag a naawat nan ti communication manipud iti opisina ti Mayor.
Daytoy ket mainaig iti pannakai-veto ti ordinansa seknan iti pondo tapno mai-empleo dagiti sangapulo a COS wenno Contract of Service.
Rumrumwar a ti pannaka-veto ti nasao nga ordinansa ket gapo iti saan nga umno ti pondo a maire-align para iti pannaka-empleo dagiti COS ditoy ciudad.
Inadmitir ni Lazo a saan na a nakita daytoy a sitwasyon gapo ta saan na a ninamnama a ti mausar kuma a pondo ket manipud iti 2019 budget.
Iti agdama ket ikalkalikagoman ti opisyal a mangkita kadagiti available funds manipud iti savings iti 2020 budget tapno maipaayan met laeng ti trabaho dagiti madakdakamat a COS.
