LAOAG CITY – Inlawlawag ni Mayor Mike Hernando iti lokal a gobierno iti ili ti San Nicolas nga awan kenkuana ti pondo a pagpatarimaan ti kanal iti likod ti merkado publiko iti nadakamat nga ili.
Segun kenkuana, nagtalinaed daytoy iti bangko agingga a saan pay a narugianan ti proyekto.
Kinunana nga ita kuma a bulan ti Diseimbre a marugianan ti proyekto ngem saanna a kayat nga umirot ti taray ti trapiko ken agkaiwarang dagiti darat iti kalsada nangruna ta mannarimaan ti piesta ti nasao nga ili.
Kalikagumna a marugianan ti ndakamat a proyekto inton bulan ti Enero inton sumaruno a tawen wenno kalpasan ti pannakaselbrar ti Three Kings.
Kabayatanna, naammoan a naggapo ti pondo ti proyekto iti lokal a gobierno ken ti rason nga apay rummuar ti danom iti aglawlaw ti merkado publiko ket manipud iti tiendaan gapu iti maararamid a septic tank.
Maipalagip nga idi bulan ti Oktubre ket imumunnan nga adda ti naipadanon nga reklamo iti biang ti Bombo Radyo Laoag maipanggep iti nasao a banag.
