LAOAG CITY – Itantandudo ti Population on Commission ditoy ciudad ti Laoag iti panagusar wenno panagpatudok iti implanon dagiti ubbing nga inna wenno teenage mother.
Segun ken ni Ms. Janet Retamal, ti mangidadaulo ti Population on Commission ditoy ciudad a napintas daytoy para kadagiti maseknan tapno malapdan iti dagus a panagsikog manen dagiti ubbing nga ina kalpasan ti panagpasngay da.
Kunana a ti implanon ket epektibo iti bagi ti maysa nga ina no ikompara kadagiti matumtumar laeng kas ti pills.
Inbatad na a no kayat iti agpatudok iti daytoy ket agturong da laeng iti doktor.
Immuna iti daytoy,inbatad ni Retamal nga addan ti 6 a kaso ti teenage pregnancy ti nairekord iti opisina da ita a tawen .
Innayon na a ti kaubingan a nagsikog a nairekord da ita a tawen ket agtawen iti 15.
Ti implanon ket agepekto agingga iti tallo a tawen depende iti pammagi ti maysa a babai.
