LAOAG CITY – Indauloan ni Pope Francis ti pannakaitabon ni dati a pope Emeritus XVI iti St. Peter’s square idiay Vatican.
Naipan iti uneg ti cypress-wood a lungon ti bangkay ti pimmusay a Papa ken sinarabo ti naruay a palakpak manipod kadagiti nagatendar iti pannakaitabon na.
Dagus met a naipan iti sirok ti basilica ti bangkay ti dati a santo papa kas kadagiti immunan a pimmusay a pontiff.
Kabayatan ti maudi a pannakaidaton ti misa iti pimmusay a papa ket nangngegan dagiti latin chants babaen ti Sistine chapel choir.
Malaksid ken ni Pope Francis nga adda pay iti wheelchair kabayatan ti mass ket nangibbat iti bukod a sermon dagiti nagduduma a cardinals, bishops ken padi maipanpan iti pimmusay a santo papa.
Basar kadagiti otoridad, mapatta-patta nga agarup 50,000 ti total dagiti nagatendar iti pannakaitabon ti dati a santo papa.
Karaman kadagiti opisyal a delegasyon ken manipod mismo iti Italya ken iti dati a home country ti ni pope Benedict a Germany.
Mainaig iti daytoy, nakitabuno babaen iti private capacity ti ari ken reyna ti Belgium.
Maipalagip a pimmusay ti agtawen ti 95 a dati a santo papa idi Disyembre 31 gapu iti sakit na.
Ni pope benedict XVI ti kaunaan a santo papa a nagretiro kalpasan ti innem a siglo.
Kabayatanna, ti misa iti pimmusay a santo papa ket isu ti kaunaan iti modern history babaen iti agdama a pope Francis nga isu ti nangited ti homily iti Italian kas paset ti multi-lingual service iti Latin mass.
