LAOAG CITY – Binilin ni Pope Francis kadagiti papadi a Katoliko nga iyababa dagiti homily-da bayat ti misa.
Kinunana a no mabalin ket saan nga agpaut iti nasursurok ngem walo a minuto dagiti sermon ta mabalin a makaturog dagiti makimisa.
Inlawlawagna a saan a lapped ti ababa nga oras tapno maikkan ti importansya ti topiko iti homily.
Maipalagip a saan a daytoy ti umuna a gundaway nga impakammu ti Santo Papa a mapa-ababa ti homily gapu ta idi 2018 impalagipna kadagiti padi a saan nga agpaut ti sermon iti nasursurok ngem 10 a minuto tapno saan a makaturog dagiti makimismisa.
