LAOAG CITY – Ginutigot ni Pope Francis dagiti political leaders ti Singapore a masapol a maaddaan ti usto a panagpasweldo kadagiti foreign workers iti pagilian.
Inbatad ti agtawen ti 87 a Santo Papa a masapol a maipaayan ti espesyal nga atensyon dagiti marigrigat ket nataengan.
Kuna na pay a napateg met a maikkan ti proteksyon dagiti dignidad ti migrant workers.
Immuna iti daytoy, nakitaripnong ti Santo Papa iti nasurok a 1,000 a pulitiko, karaman ti civil ken religious leaders idiay Singapore.
Inlawlawag ti Santo Papa a dagiti nasao a mangmangged ket dakkel ti kontribusyon iti panagdurpas ti ekonomiya ti Singapore.
Basar iti datos, adda ti nasurok a 1.1 milyon dagiti foreign workers iti Singapore no sadinno agarop 290,000 ditoy ket dagiti domestic workers ken nasurok nga 441,000 dagiti agtrabtrabaho iti construction ken barko.
Kaadoan kadagitoy ket aggapo iti pagilian a Malaysia, China, Bangladesh,India ken uray iti Pilipinas.
