LAOAG CITY – Agtultuloy a sumaysayaat ti kasasaad iti salun-at ni Pope Francis.
Basar iti Vatican a makaangeseen a nasayaat uray awan ti tulong ti oxygen.
Nakissayan payen ti agtawen ti 88 ti panangikabil ti oxygen mask tunggal bigat.
Inbusbos ti oras ti Santo Papa iti physiotherapy, panagkararag, panaginana ken sumagmamano a trabaho iti Vatican.
Maipalagip nga idi Pebero 14 idi naitaray iti Gemelli Hospital ti Santo Papa gapu iti pneumonia iti dua a bara daytoy.
Ita a lawas ket nangiruar ti Vatican ti kaunaan a ladawan ni Pope Francis sipod idi naospital.
Nagyaman ti Santo Papa dagiti agtultuloy a mangipadpadanon ti panagkararag kenkuana para iti a-alisto a panagimbag daytoy.
