LAOAG CITY – Adda ti napintas nga improvement iti salun-at ni Pope Francis kalpasan a naospital ti sumurok maysa a bulan.
Inbatad ni Dr. Sergio Alfieri, kalpasan a binisitada ti Santo Papa iti pagtaengan daytoy nga addan ti tallo nga aldaw ti napalabas sipod idi na-discharge daytoy iti ospital a manamnama nga agsublin ti natural a pigsa ti Santo Papa kadagiti sumarsaruno nga aldaw.
Inlawlawag ti doktor, in-inuten nga agsubsublin ti pigsa ni Pope Francis nga agsarita pakairamanan ti panagbalinna a dependent daytoy iti supplemental oxygen ken nakissayan payen idinto ti mobility met iti takiagna gapu iti unspecified trauma sakbay pay a naospital ti Santo Papa ket agkasapulan ti ad-adu a panawen tapno naan-anay nga agimbag daytoy.
Kabayatanna, inadmitir ni Alfieri a mabutbuteng isuna idi damo a mabalin a saanen a kabaelan ni Pope Francis kalpasan a na-diagnosed daytoy ti maysa a severe respiratory crisis.
Iti agdama, agtultuloy a dumaldalan iti panangagas babaen ti therapy ti Santo Papa a posible nga agpaut ti sumagmamano a bulan.
