LAOAG CITY – Nagpadespensar ni Pope Francis kalpasan ti report a nagusar kadagiti nasasakit a sarita kontra kadagiti gay men.
Iti statement ti Vatican, saan nga ingagara ni Pope Francis a masair ti rikna ti siasinno man isut gapuna a nagpadespensar kadagiti nasaktan kadagiti inyablat na a sarita.
Basar iti report, bayat ti Italian Bishops’ Conference, maipagarop nga inbatad ti santo papa a dagiti gay men ket saan a rumbeng a palubusan nga agsanay tapno agbalin a padi.
Naamoan a ti naiyuswat a taripnong ket pribado ngem saan a masinunuo no siasinno ti nangiwaras iti naibaga ti santo papa.
