LAOAG CITY – Nagpannawagan ni Pope Francis iti gobierno ti Timor Leste a salakniban dagiti ubbing kontra iti amin a kita ti panangabuso.
Daytoy ti mensahe ni Santo Papa idi simmangpet idiay Dili, ti capital ti Timor Leste.
Inawaganna ti atension dagiti tattao nga aramidenda amin nga addang tapno maliklikan ti aniaman a kita ti panangabuso.
Kunana a saan a panang-abuso ti maspaul dagiti ubbing no di ket naan-anay a suporta.
Mainaig iti daytoy, manamnama a makipagkita ti Santo Papa kadagiti biktima ti pannakaabuso iti nasao a pagilyan.
Maipalagip a ti Timor-Leste ti kakaisuna a pagilian a Catholic-Majority a sarungkaran ti Santo Papa bayat ti 12 nga aldaw a panagpasiarna iti Asia-Pacific.
Agarup 700,000 a tattao wenno nasurok a kagudua ti populasion ti Timor Leste ti timmabuno iti misana.
