LAOAG CITY – Immapela manen ni Pope Francis ita a baro a tawen kadagiti mananampalataya a liklikan ti abortion ket inpanawaganna ti natibker a commitment tapno salakniban ken respetoen ti biag manipod iti konsepto ti natural death.
Rinambakan ti Santo papa ti New Year’s Day Mass idiay St. Peter Basilica a maisagut ken ni Maria nga ina ni Hesus.
Ingkararagna nga amin a tattao ket salwadanda tunggal maiyanak a maladaga ken salakniban ti sagut a biag.
Iti napalpalabas a tawen ket maladladingitanen ti Argentine Jesuit iti abortion a maar-aramid isu a kanayon iti panagpanawaganna manipod pay nangrugi a nagsanto papa.
