LAOAG CITY – Nagtalinaed nga adda iti kritikal a kasasaad ni Pope Francis nga addan ti sumurok maysa a lawas nga adda iti ospital.
Basar iti Vatican a ti kaudian a blood test ti Santo Papa ket addaan ti senyales ti kidney failure a kontrolado met daytoy.
Awanen ti nakitada a problema iti respiratory system sipod pay iti napalabas a rabii.
Agtultuloy met a maipakpakaammo ti resulta dagiti test ken ni Pope Francis.
Saan nga agsarsardeng ti panangawatna iti oxygen ken nakipaset pay isuna iti maysa a misa iti 10th floor ti Gemelli Hospital.
Kabayatanna, umad-adu pay ti agturturong a deboto a mangisaysayangkat ti vigil iti ruar ti ospital no sadinno a naka-confine ti Santo Papa.
