LAOAG CITY – Agtultuloy a nakabantay dagiti doktor iti kasasaad ti salun-at ni Pope Francis.
Basar iti Vatican nga stable ti kondision ti agtawen ti 88 nga Argentinian Pope ken banbantayanda ti prognosis ti salun-at.
Saan pay a nagsardeng ti panangtaming ken ni Pope Francis pakairamanan ti respiratory physiotherapy.
Naammoan a suksuktan dagiti doktor ti non-invasive mechanical ventillation iti rabii ken high-flow oxygen therapy iti aldaw iti babaen ti cannula.
Kuna pay ti Vatican a tunggal bigat ket mangiyal-alokar ti Santo Papa ti 20 a minuto a panagkararag iti chapel a masarakan iti maika-10 a kalsada ti Gemeli Hospital.
Mainaig iti daytoy, iti malem ket ik-ikkan ti atension ti Santo Papa ti sumagmamano a trabaho iti opisinana.
Maipalagip nga idi Biernes ket nangiruar ti audio message ti Santo Papa iti umuna a gundaway no sadinno ket nagyaman isuna kadagiti nangipadanon ti panagkararag para iti al-alisto a panagimbagna.
