LAOAG CITY – Naragsakan ti Vatican ti sumaysayaat a kasasaad iti salun-at ni Pope Francis.
Basar iti Vatican a saanen nga agus-usar ti mechanical ventilation ti agtawen ti 88 a Santo Papa.
Iti uneg ti maysa nga aldaw, agus-usar pay laeng daytoy ti high-flow oxygenation iti babaen ti nasal cannulas ken ipangpangatoda metten ti panagusarna ti high-flow oxygen.
Nupay kasta, saan pay a nangipaay ti doktor ti go-signal tapno makaawiden ni Pope Francis.
Saan met a masinunuo ti Vatican no makipaset ti Santo Papa iti linawas nga Angelus uray babaen ti online.
Maipalagip nga idi Pebrero 14 idi naitaray ti Santo Papa iti ospital gapu iti pneumonia.
