LAOAG CITY – Inrakurak ni Pope Leo kadagiti rinibu nga agtutubo a Kotoliko a mangaramid ti nasaysayaat a lubong.
Nagatendar ti naruay nga agtutubo manipud iti sumurok 146 a pagilian iti naindaklan a misa nga indauloan ti Santo Papa no sadinno a sumagmamano kadagitoy ket nagisuot ti namaris a bandanas tapno maalay-ayan iti kinabara ti panawen.
Sinursor ni Pope Leo dagiti adu nga agtutubo kabayatan a nakalugan daytoy ti puraw a popemobile kagiddan ti panagisemna.
Mainaig iti daytoy, nakaawat ti Santo Papa ti nagduduma nga stuffed animals ken national flags nga inpurwak dagiti agtutubo kabayatan ti panaglabasna kadakuada.
Naammoan a naruay nga agtutubo ti nagatendar a nabayag a nagur-uray iti baet a makapaspasarda ti 30 degrees Celsius a kinabara ti panawen iti lugar tapno laeng personal a makitada ni Pope Leo.
Kabayatanna, ni Pope Leo ti kaunaan a Santo Papa a naipasngay idiay Estados Unidos a naelektaran idi Mayo 8 babaen kadagiti cardinal a nangsukat ti pimmusay a ni Pope Francis.
