LAOAG CITY – Immapela ni Pope Leo iti global community nga ileppas koman ti agarop dua a tawen a gubat iti nagbaetan ti Israel ken Hamas.
Kagiddan iti daytoy, nagpanawagan ti santo Papa para iti permanente a ceasefire, pannakawaya-waya dagiti nabatbati pay nga hostages iti Gaza ken ti pannakaipaay ti humanitarian aid.
Saan a dinakamat ni Pope Leo ti Israel wenno ti Palestinian militant group Hamas, ngem kuna na a kasapulan ti international law, ti obligasyon a mangprotehir kadagiti sibilyan, panangipawil ti collective punishment, indiscriminate a panagusar ti pwersa ken mangpilit a mangpapanaw ti populasyon.
Ni Leo ti kaunaan a Santo Papa manipod iti Amerika ket naelektaran idi Mayo ita a tawen kasukat ti pimmusay a ni Pope Francis.
Immunan a nagpanawagan ni Pope Leo iti Israel a palubusan na ti ad-ado nga humanitarian aid a sumrek iti Gaza.
