LAOAG CITY – Manamnama ti ibibisita ni Pope Leo XIV idiay Turkey ken Lebanon.
Segun iti Vatican, daytoy ti ummuna a panagbyahe ti Santo Papa sipud nagtugaw iti puwesto idi bulan ti Mayo.
Isuna pay ti ummuna nga US pope a bumisita idiay Turkey ken daytoy ket intono Nobyembre 27 agingga iti Nobyembre 30 ita a tawen.
Iti ibibisita na idiay Turkey ket makataripnong na met ni Patriarch Bartholomew, ti spiritual lider ti Orthodox Christians.
Kalpasan daytoy ket agturong met idiay Lebanon manipud Nobyembre 30 agingga iti Disyembre 2 no sadinno manamnama a makasarita na dagiti Kristiyano nga adda iti Middle East tapno iyapela ti kapya iti lugar.
