LAOAG CITY – Ginutigot ni Pope Leo XIV dagiti lider idiay Lebanon nga arakupen ti tenacity, dialogue ken renewed commitment iti common good iti panagbitlana iti Presidential Palace iti Baabda kas paset ti apostolic journey-na idiay Turkey ken Lebanon.
Inpetteng ti Santo Papa ti kinapateg ti kinakappia ken panangikagumaan iti baet kadagiti krisis a mapaspasaran ti pagilian pakairamanan ti political paralysis, economic collapse ken epekto ti 2023–2024 war.
Dinakamatna ti Lebanon kas “a community of communities, united by a common language: hope,” ken dinayawna ti kinatibker ken determinasion dagiti umili.
Inabisoan ti Santo Papa dagiti lider nga agtalinaed nga asideg kadagiti umili, ikkan ti pateg ti papel dagiti agtutubo ken civil society ken liklikan nga aramiden a kompetision ti gobierno.
Inpaganetgetna ti kinapateg ti panagtitinnunos ken panagsasarita tapno malappedan dagiti rinnupak.
Innayon ti Santo Papa a dakkel pay ti kontribusion dagiti babbai iti proseso ti kinakappia.
