LAOAG CITY – Pito a baro a santo ti opisyal nga indeklara ni Pope Leo XIV iti maysa a naisangsangayan a seremonya iti St. Peter’s Square.
Ginasot a deboto manipud kadagiti nagduduma a paset iti lubong ti nagatendar iti canonization mass, a naiyuswat babaen iti kararag ken panagselebrar iti Jubilee Year.
Karaman kadagiti baro a Santo ket isuda:
St. Maria Rendiles Martínez, ti Venezuelan founder iti Congregation of the Servants of Jesus, a naiyanak idiay Caracas idi 1903 ken natay idi 1977.
St. José Gregorio Hernández Cisneros, naiyanak idi 1864 ken nagbalin a Third Order Franciscan. Maysa a Venezuelan doctor a nabigbig kas “the doctor of the poor,” ken natay iti aksidente idi 1919 idi mapan na tulungan ti pasyente.
St. Ignatius Maloyan, ti martyred Armenian Catholic archbishop ti Mardin nga itan ket Turkey a naiyanak idi 1869. Natiliw, natorture ken napapatay idiay Turkey idi 1915.
St. Peter To Rot, maysa a martyred lay catechist manipud Papua New Guinea. Naiyanak idi 1912 ken naarestar idi 1945 kabayatan ti Japanese occupation iti World War II ken napapatay babaen iti lethal injection kabayatan nga adda iti pagbalodan.
St. Vincenza Maria Poloni, ti founder iti Sisters of Mercy of Verona, Italy ken nagnaed iti nasao a lugar manipud 180 agingga iti 1855.
St. Maria Troncatti, maysa a Salesian sister a naiyanak idiay Italy idi 1883 ken nagbalin a missionary idiay Ecuador idi 1922. Pimmusay daytoy iti plane crash idi 1969.
St. Bartolo Longo, maysa nga Italian lawyer a naiyanak met idi 1841. Nagbalin daytoy a militant opponent iti simbaan ken karaman kadagiti occult ngem na-convert ken indedikar na ti biag na iti charity ken para iti Pontifical Shrine of the Blessed Virgin of the Rosary of Pompei. pimmusay met daytoy idi 1926.
Kabayatanna, inawagan ti Santa Papa dagiti baro a santo kas “faithful friends of Christ.”
