LAOAG CITY – Kiniddaw ni Pope Leo XIV iti Moscow a makipaset iti peace talks pakairamanan ti Ukraine idiay Vatican, basar ken ni Russian Foreign Minister Sergei Lavrov.
Inbatad ni Lavrov nga “unrealistic” wenno saan a nainkalintegan nga adda ti maisayangkat a panagtataripnong iti nagbaetan dagiti pannakabagi ti Russia ken Ukraine idiay Vatican.
Basar iti Russian Foreign Minister, mabalin a saan a napintas para kadagiti pagilian nga Orthodox a talantanen dagiti isyu nga adda ti pakainaiganna tapno solbaren ti namunganayan iti gubat iti maysa a Catholic ground.
Maipalagip nga idi Martes, inrakurak ni Pope Leo ti kinasagana nga ag-host ti Vatican iti sumaruno a negosasion tapno malpasen ti gubat iti nagbaetan ti Russia ken Ukraine.
