LAOAG CITY – Naminsan manen nga inpalagip ni Pope Leo XIV a nasken nga agsardengen ti gubat ti Israel ken Hamas pakairamanan ti rinnupak iti nagbaetan ti Russia ken Ukraine.
Iti mensahena iti panaglippas ti Mass for the Jubilee of Youth iti Vatican, linagipna dagiti agtutubo a makapaspasar ti rigat gapu iti riribuk kadagiti nasao a pagilian.
Nagpanawagan daytoy kadagiti minilyon nga agtutubo nga agatendar iti misa nga ikararagan dagiti umili a makapaspasar ti riribuk.
Inimbitaranna pay dagiti deboto nga agatendar iti World Youth Day a maisayangkat idiay Seoul, South Korea manipud inton Agosto 3 agingga iti Agosto 8, 2027.
