LAOAG CITY – Inrakurak ti Vatican a linippasen ni Pope Leo XIV ti “Commission on Donations for the Holy See,” maysa a nangato a grupo nga inestablisar ni Pope Francis tapno idatag ti donasion ken solbaren ti kinakurang iti pundo ti Simbaan Katolika.
Immuna daytoy a naestablisar idi Pebrero iti agdama a tawen kabayatan nga agpapaimbag ni Pope Francis iti sakitna nga addaan ti gagem a mangala ti kontribusion manipud kadagiti Katoliko, bishops ken kadagiti conferences.
Awan ti inpaay a rason ni Pope Leo iti pammilinna ngem inbilinna nga iyakar iti general accounting office ti Vatican dagiti naukkon a pundo ken mangestablisar ti baro a work group para iti maysa a sumaruno a fundraising commission.
Maipalagip a sumangsango ti Vatican iti budget surplus kalpasan ti kinakurang ti pagilian iti panangpundo no sadinno a linappedan pay idi dagiti Cardinal ti panangkissay ti sueldoda ti mamitlo a daras sakbay a natay idi ti Santo Papa a ni Jorge Mario Bergoglio.
