LAOAG CITY – Nagpanawagan manen ni Pope Leo XIV kadagiti lider ti pagilian iti Middle East a maaddaan ti panagsinnarita tapno malpasen ti rinnupak.
Segun iti Santo Papa, nasken a panunoten dagiti responsable iti riribok dagiti saan a napintas a resulta ti gubat.
Inbatadna a nasken a maaddaan ti ceasefire ken insigida nga adda ti maiwayat a panagsinnarita tapno awanen ti biag pay ti maapektaran.
Inladawan ti Santo Papa ti napasamak a gubat idiay Lebanon no sadinno a naruay a biag ti napukaw ken nadadael ti adu a sanikua.
Maipalagip a namin-adu a daras a nagpanawagan ti Santo Papa kadagiti lider ti Israel, Estados Unidos ken Iran nga isardengen ti rinnupak gapu ta umad-adun dagiti maap-apektaran a pagilian.
