LAOAG CITY – Nagpanawagan ni Pope Leo XIV para iti pannakawaya-waya dagiti inarestar nga agirakrakurak ken pannakaipateg ti kinapateg ti nakappia ken nainkalintegan a panagirakurak.
Indanon ti Santo Papa ti pannakipagladingitna kadagiti agirakrakurak a nakabalud gapu iti panangikagumaanda nga ibutaktak ti kinapudno.
Dinakamatna ti kinabannuar dagiti agirakrakurak nga agipadpadamag kadagiti rinnupak wenno gubat iti baet ti risgo iti biagda ken pinalagipanna dagiti pagilian a ti laeng tao nga addaan ti umdas nga impormasion laeng ti makadesision ti kinakappia.
Iti panagbitlana, inpetteng ti Santo Papa ti kinapateg ti panagusar dagiti sarita para iti kinakappia ken panagkedked iti gubat.
Kunana a ti kinakappia ket mangrugi iti bukud a bagi no kasano a kitaen ken denggen iti tunggal maysa.
Kabayatanna, kalpasan ti panagbitlana, nakialamano isuna kadagiti agirakrakurak ken nagpirma ti autographs. I
Naammoan nga inburay met dagiti sumagmamano nga agirakrakurak ti napagsasaritaanda iti Santo Papa pakairamanan ti posibilidad a panagbisitana idiay Turkey para iti 1700th anibersario ti Council of Nicea.
