LAOAG CITY – Nagpanawagan ni Pope Leo XIV ti agnanayon a kinakappia idiay Ukraine.
Ti nasao a panawagan ket kagiddan iti maikapat a tawen nga anibersario sipod idi inwayat ti Russia ti panangrautna iti Ukraine.
Segun iti Santo Papa, ti kinakappia ket saan a mabalin a makanselar pay ken nasken nga ipatungpal.
Inpettengna a masapul nga agsardengen ti rinnupak ken panagpabettak a mangitunda ti pannakatay ti naruay nga indibidual.
Inlawlawagna a napateg a maaddaan ti panagsinnarita iti agsinnungbangir a dua a pagilian.
Maipalagip nga agtultuloy ti panangilungalong ti Estados Unidos maipapan iti kinakappia no sadinno a namin-adu a daras daytoy a nagpaayab ti panagsinnarita.
