LAOAG CITY – Nagyaman ni Pope Leo XIV kadagiti katoliko nga agtultuloy a mangikarkararag kenkuana para iti pagimbag na.
Daytoy ti umuna a mensahe ti Santo Papa kalpasan a dimmalan ti operasyon mainaig iti lung cancer.
Iti mensahe nga inpatulod naa kadagiti nakipaset iti maysa a symposium para iti maika-10 nga anibersaryo ti Amoris Laetitia, kiniddaw ti Santo Papa nga itultuloy da ti agkararag para kenkuana, kagiddan ti panangikari na nga ikararagan na met dagitoy.
Dimmalan ni Pope Leo iti operasyon iti Gemelli Hospital iti Rome, Italy, no sadinno nga inikkat dagiti doktor ti akinbaba a paset ti akinkannawan a bara na kalpasan a nakumpirmaran ti lung adenocarcinoma, maysa a klase ti kanser iti bara.
Basar kadagiti doktor na, makapagna metten ti Santo papa kabayatan ti agtultuloy a panagrekobre na.
Kinanselar paylaeng ti Vatican dagiti pampubliko nga aktibidd ti Santo Papa agingga intono Oktubre 20 kabayatan ti panagpaimbag na.
