LAOAG CITY – Inrakurak ti San Antonio Spurs ti panagikkaten iti puesto ti beterano a coach-da a ni Gregg Popovich.
Basar iti koponan a ti agtawen ti 76 a coach ket agbalin a president of basketball operations ti koponan.
Kagiddan iti daytoy, inrakurak pay ti Spurs ti baro a coach-da a ni Mitch Johnson.
Inbatad ni Popovich nga iti baet ti napalaos a panagayatna iti ay-ayam ket nagdesision daytoy a bumaban iti puesto.
Idi Nobiembre iti napalabas a tawen ket nakapasar daytoy ti mild stroke ken saanen a nagsubli kadagiti ay-ayam ti Spurs.
Nagyaman isuna kadagiti amin nga umaayam, opisial ken dagiti fans ti Spurs gapu iti naiget a suportada kenkuana.
Ni Popovich ket three-time NBA coach of the year nga indauloan ti Spurs ti lima a championships ken isuna pay ti nagbalin a coach ti USA Basketball tapno magun-od ti balitok a medalya iti 2020 Tokyo Olympics.
Napadawayan daytoy iti Basketball Hall of Fame kas coach idi 2023.
Idi 1988 idi nagbalin nga immuna nga assistant coach ti Spurs ni Popovich iti uneg ti uppat a season ken immakar kas assistant coach ti Golden State Warriors ti dua a season.
Idi 1994 idi nagsubli ni Popovich iti Spurs kas general manager ken vice president of basketball operations.
Idi 1996 agingga iti 1997 ket sinuktanna ni Bob Hill tapno agbalin nga head coach no sadinno a naibilang idi kas naimballigian a koponan ti Spurs iti NBA.
