LAOAG CITY – Nangisayangkat ti Provincial Government ti Ilocos Norte babaen iti Population Gender and Development Office ti Adolescent Health Youth Development Program iti ili ti San Nicolas.
Segun ken ni Mrs. Janette London, mangidadaulo iti nadakamat nga opisina a ti laeng ili ti San Nicolas ti nangisayangkatan ti nadakamat a programa gapu ta daytoy ti immuna nga ili a nagkiddaw.
Inlawlawagna a nadisignaran kas Municipal Population Program Officer iti nadakamat nga ili a ni Mr. Mark Vincent Antonio tapnu mangkita iti pagsayaatan dagiti agtutubo ditoy probinsia.
Kinunana a nangrugin idi kallabes ti pannaikayuswat ti nasao a programa iti ili ti San Nicolas ken ti dua a barangay a nagturonganda a barangay 7 ken barangay 5.
Kabayatanna, malaksid kadagiti nadakamat a barangay ket adda ti binigbig ti lokal a gobierno ti San Nicolas a pakaisayangkatan ti nasao a programa.
