LAOAG CITY – Mangipaay ti Regional Risk Reduction and Management Office babaen iti opisina ti Civil Defense Region I ti portable generator set iti lokal a gobierno ditoy ciudad ti Laoag.
Daytoy ket iti babaen ti memorandum of agreement iti nagbaetan ti lokal a gobierno nga idadaulwan ni Mayor Michael Marcos Keon ken iti biang ti mangidadaulo ti Civil Defense Region I a ni Mr. Gregory Cayetano.
Segun ken ni Sang. Panlungsod Member Derick Lao a nangipresentar iti nadakamat a resolusyon babaen ti Section 4, Republic Act 10121 ti Philippine Disaster Risk Reduction Management Act of 2010 ket ditoy a nakaiyataday ti naan-anay a pannakapreperar dagitoy a kangrunaan a kasapulan no inkaso nga adda sumangbay a didigra.
Kabayatanna, babaen iti maibilang a kangatuan a policy making body ditoy probinsya a ti Regional Risk Reduction and Management Office ket maipaay daytoy kas tulong kadagiti lokal a gobierno no sadinno a maysa ti ciudad ti Laoag a maipaayan iti nadakamat a generator set.
