LAOAG CITY – Nalitupanen dagiti bakante a posisyon iti Liga ng mga Barangay ditoy probinsya.
Segun kenni Provincial Liga ng mga Barangay Pres. Ryan John Pascua, dagiti posisyon ket ti Treasurer, Secretary ken Board Directors iti ummuna ken maikadua a distrito.
Ti baro a Treasurer ket ni Liga ng mga Barangay Pres. Rolando Buque iti ili ti Vintar, ken ti Secretary ket ni Hon. Romel Ragqual iti ili ti Paoay.
Malaksid iti daytoy, napili met ni Hon. Kent Raguindin kas Board Director iti maikadua a distrito ditoy probinsya ken iti ummuna a distrito ket ni Hon. Charmaine Garcia iti ili ti Burgos ken Hon. Rocky Curammeng.
Kabayatanna, nabara a sinarabo da ti baro a nadutukan a Liga ng mga Barangay President iti ili ti Badoc a ni Punong Barangay JM Cajigal.
Inlawlawag ni Pascua nga adda dagiti nabakantean a posisyon gapu ta ti dati a sekretaryo manipud iti Paoay a ni Hon. Noel Gooc ket pimmusay ken ti Treasurer ket saannan a kabaelan ti ado a trabahona.
Iti met ili ti Badoc, nagsukat ti Liga ng mga Barangay President gapu ta ti dati a ni Hon. Virgilio Calajate ket isu itan ti Mayor.
