LAOAG CITY – Marugianen iti mabiit ti paannakaiyakar dagiti poste ti kuryente a nasakupan iti pannakaikalawa dagiti national higway ditoy probinsiya.
Daytoy ti imbatad ni Engr. Felino Herbert “Bing” Agdigos, General Manager ti Ilocos Norte Electric Cooperative (INEC).
Segun kenkuana, napirmaanen ti Memorandom of Agreement wenno katulagan iti nagbaetaan da iti Dept. of Public Works and Highways (DPWH) panggep ti nasao nga addang.
Inlawlawag ni Agdigos a no ania a lugar ti umuna a bayadan da ket daytoy ti umuna a trabahuen da.
Maipalagip nga itay kallabes ket nagtitinnudo ti INEC ken ni DPWH no siasinno ti rumbeng nga agstos iti pannakaiyakar dagiti poste ti kuryente a nadalapos kadagiti nakaikalawa a paset dagiti kalsada partkular iti national highway.
