LAOAG CITY – Immapela ni Barangay Chairman Elpidio Abrohena iti Barangay Puritac iti ili ti Pinili iti lokal a gobierno iti ili ti Currimao gapo kadagiti ado a ngilaw a mapan iti barangay da nga aggapo iti maysa a polutry iti Barangay Comcomloong iti ili ti Currimao.
Segun kenni Abrohena, uray ag-spray dagiti tao ti nasao a poultry ket ado latta dagiti ngilaw nga agturong iti barangay da nga isu ti kangrunaan a reklamo dagiti kabarangayan na.
Inbaga na a gapo kadagiti ngilaw ket saanen a maimas dagiti kalugaran na ti mangan.
Mainaig iti daytoy, kunana nga inpakaammo daytoyen iti biang ti sanidad iti nasao nga ili ken nabagaan met isuna a mapan da kitaen daytoy.
Inbatad a ti kuman Barangay Comcomloong ken ti lokal a gobierno ti Currimao ti agtignay no sadinno a bagaan na ti agtagikua iti poultry mainaig iti kainaado a ngilaw.
