LAOAG CITY – Inyuswat ti ili ti Vintar ti Pre-Disaster Risk Assessment mainaig iti Bagyo Paolo.
Segun kenni Mr. Almond Leaño, ti Local Disaster Risk Reduction Officer, kadua da dagiti nagduduma a pangopisinaan ken dagiti opisyal ti barangay kas paset iti panagsagana da iti bagyo.
Inbatad na nga amin a 34 a barangay ket addaan ti bukod da a komunikasyon tapno al-alisto ti panangipadanon ti impormasyon.
Kabayatanna, mangnamnama ni Leaño a saan a nakaro ti epekto ti bagyo Paolo kangrunaan iti ili da.
