LAOAG CITY – Nangiyuswat ti Pre-Disaster Risk Assessment ti Distaster Risk Reduction and Management Office iti ili ti Vintar mainaig iti Bagyo Goring.
Segun kenni Mr. Almond Leaño, ti mangidadaulo ti Distaster Risk Reduction and Management Office, daytoy ket tapno mamonitor ti sitwasyon ken tapno ammo da ti ar-aramiden da.
Inbatad na a nakasagana metten dagiti ramramit ti opisina da nangruna dagiti heavy equipment ken dagitoy ket naka-standby iti Surong Valley ken Pallas Valley.
Kunana a kageddan iti daytoy ket agsagsagana da latta iti anyaman a mabalin a mapasamak.
Innayon na nga iti agdama ket naiget ti panagmonitor na kadagiti amin a barangay iti ili ti Vintar.
Maipalagip a ti Vintar ti maysa kadagiti napakaroan iti iduduprak ti Bagyo Egay.
