LAOAG CITY – Manamnama a maituloy inton Lunes, Hunio 22 ti pre-trial conference mainaig iti impeachment case ni Vice President Sara Duterte kalpasan a saan a kumpleto dagiti ebidensia ti dua nga agsinnungbangir a takder.
Daytoy ket kinumpirmaran ni Atty. Michael Poa, pannakangiwat ti defense panel ni Vice President Sara kalpasan ti closed-door pre-trial conference.
Inbatad ni Poa a saan pay a nalpas dagiti agpanpanday linteg a basaen dagiti ebidensia para iti artikulo ti impeachement ken adda pay ti tallo ti mapanda trataren sakbay a mangrugi ti desision.
Karaman dagiti alegasion a sangsangoen ti Bise Presidente ket ti Article III a naglaon kadagiti alegasion a bribery, graft and corruption, panaglabsing ti konstitusion ken ti betrayal of public trust.
Kabayatanna, nagtinnulagan met ti depensa ken prosekusion ti listaan dagiti manamnama nga umabot iti 25 agingga 30 a testigo para iti kampo ni Duterte pakairamanan dagitoy dagiti reserve witnesses.
