LAOAG CITY – Agtultuloy ti preparasyon ken monitoring ti Provincial Government of Ilocos Norte (PGIN) tapno malapdan ti nakaro nga epekto ti La Niña ditoy probinsya.
Segun ken ni Gov. Matthew Marcos-Manotoc, nakasagana a kanayun dagiti heavy equipment materials nangruna no adda sumangbay a bagyo wenno layus.
Kunana nga stable met ti kasasaad dagiti water waste, flood control ken drainage.
Ngem, nu pay kasta ket inpaganetget na a masapul latta nakalerto dagiti nagduduma nga ahensya kas iti Department of Public Works and Highways (DPWH) nga incharge a mangmonitor kadagiti nagduduma nga imprastruktura, machineries ken kagamitan a masapul.
Innayonna a masapul met a nakasagana ti Department of Agriculture (DA) iti panangprotihir kadagiti mula ken panggedan dagiti mannalon.
Kabayatanna, kalikagom pay ti gobernador a makaipasdek iti ad-adu pay nga evacuation centers a mabalin a pagkamangan dagiti umili nangruna no adda sumangbay a napipigsa a tudo.
