LAOAG CITY – Inaprobaran ti World Health Organization (WHO) ti umuna a self-test para iti hepatitis C virus (HCV), a mangipaay iti critical support a mangipalawa ti pannaka-access iti testing ken diagnosis, accelerating global efforts tapnu malappedan ti hepatitis C.
Ti produkto a maawagan iti OraQuick HCV self-test, nga inaramid ti OraSure Technologies, ket dati a pre-qualified OraQuick HCV Rapid Antibody Test nga immuna nga inaprobaran ti WHO idi 2017 para iti propesional a pannakausar.
Inrekomendar ti World Health Organization ti HCV self-testing (HCVST) idi 2021, tapno mapapigsa dagiti agdama a serbisio ti HCV testing iti nagdumaduma a pagilian.
Itultuloy ti WHO a sukimaten dagiti kanayonan a HCV self-test, suportaran ti pannakaipatungpal a naibasar iti ebidensia, ken makipagtrabaho kadagiti komunidad tapno mapalawa dagiti pagpilian a magun-od iti amin a pagilian.
