LAOAG CITY – Binalakadan ni Pres. Joe Biden dagiti American citizens nga adda pay laeng idiay Ukraine a pumanaw dan iti nasao a pagilyan iti uneg ti 48 nga oras.
Inpetteng pay ni Biden a saan a mangipatulod ti tropa tapno mangrescue kadagiti Amerikano no sakupen ti Russia ti Ukraine.
Sumagmamano pay a pagilyan kas iti United Kingdom ti nanggutigot kadagiti residente da a pumanaw met iti nasao a pagilyan.
Ummuna iti daytoy, inbatad ti Estados Unidos nga anyaman nga oras ket posible nga umatake ti Russia iti Ukraine kalpasan a nanayunan pay t bilang ti Russian troops ken military assets da iti border.
Kanayon met a pagliklikudan ti Russia a sakupen na ti Ukraine ken inpananama pay ni Putin daytoy iti Presidente ti France.
Nupay kasta, nangrugi metten ti massive military drills iti kabangibang a nasyon kas iti Belarus ken Ukraine.
