LAOAG CITY – Kinumpirmaran ni Acting Presidential Spokesman Karlo Nograles a na-expose ni Presidente Rodrigo Duterte iti maysa nga household staff a nag-positibo iti COVID-19.
Segun kenni Sec. Nograles, nupay negatibo ti resulta ti test ni Presidente Duterte ket agdama pay laeng a dumaldalan iti mandatory quarantine protocols.
Inbatad ni Sec. Nograles nga agtultuloy latta ti trabaho ni Presidente Duterte bayat a naka-quarantine ken adda ti komunikasyon na kadagiti miembro ti gabinete tapno masigurado a masolbar dagiti urgent matters ken mamonitor ti implementasyon dagiti direktiba na partikular iti government COVID-19 response.
Inpalgak met ni dati a Chief Presidential Legal Counsel Salvador Panelo nga adda iti Bahay Pagbabago iti PSG Compound ni Presidente Duterte ken makumikom iti paper works.
