LAOAG CITY – Agamak ni Magdalo Partylist Rep. Gary Alejano amangan no maabuso laeng ti inlungalong ti Consultative Committee (Con-Com) a mainayun paglintegan ti “lawless violence” a pagibasaran ti pannakaideklara ti martial law.
Iti eksklusibo nga interview ti Bombo Radyo Laoag, inbatad ni Alejano nga amangan no maysa laeng a panagbomba ket maideklaran ti martial law ditoy pagilyan.
Nupay kasta, kuna ni Alejano a ti Con-Com ket agserbi laeng a recommendatory gapu ta ti Constituent Assembly ken Constitutional Prosecution ti mangrebisar no mabalin nga adaptaren wenno ibasura.
Inpetteng ni Alejano a basar ti obserbasyon na ket ti laeng kitkitaen met ti Con-Com ket ti alisto a pannakausar ni Presidente Rodrigo Duterte ti powers nga ibilang ti kongresista a narisgo.
Innayon na a nakatutuk laeng ti presidente iti panangusar na ti militar ken pulis iti pannakasolbar ti problema.
