LAOAG CITY – Ginutigot ni Presidente Ferdinand ”Bongbong” Marcos Jr. dagiti Pilipino nga agbalin koma nga adal dagiti pannubok ken napasaran ti pagilian kadagiti naglabas a bolan nga isu ti agbalin a guide iti napinpintas a 2025.
Iti mensahe na iti panangsarabo ti baro a tawen, inpalagip ni Marcos a dagiti naglabas a bolan ket napasaran dagiti saan a nakapapati a karit gapu kadagiti kalamidad a nangkettel ken nangdadael ti biag ken ti komunidad.
Kuna pay ti presidente a ti panangselebrar ti baro a tawen ket nalawa a maipadpadamag kas maysa a gundaway tapno maadalan manipod kadagiti napasaran a karit ken pannubok iti napalabas a tawen ken pagbalinen dagitoy nga inspirasyon tapno mapasayaat ti bukod a bagi.
