LAOAG CITY – Nakasagana ni Pres. Ferdinand Marcos Jr. nga ikonsiderar ti sensible suggestions manipod iti pamilya Duterte tapno masolusyunan ti panaglayos iti pagilian ngem masapul nga agpalawag ti napalabas nga administrasyon iti nasurok 13,000 a flood control projects.
Daytoy ti sungbat ni Presidential Communications Undersecretary Claire Castro ken ni acting Davao City Mayor Baste Duterte mainaig iti panangatake na ken ni Presidente Marcos iti kallabes mainaig iti maanomalya a flood control projects.
Kuna ni Castro nga agtultuloy ti panagtrabaho ni Pres. Marcos tapno solbaren dagiti maanomalya a flood control projects ngem ti komento manipod kadagiti awan maar-aramidan na tapno masolbar ti problema ket saan a makatulong kadagiti tattao.
Segun ken ni Castro, no adda ti sensible suggestion-da ket silulukat ti presidente a dumngeg iti amin.
